Elektronmusikstudion EMS
Tervetuloa Ruottin keskusthaan elektroakystiselle musikille ja äänitaitheele.
Meän tehtävä
Vuelta 1964 lähtien met olema eesauttanheet elähvään musikkielähmään elektroakystisessa musikissa ja äänitaitheessa.
Meän tehtävä oon ette tukea taitheelista kehitystä genressä ja ette lua maholisuuksia niin yhtheistyöle ja oppimiselle.
Stytioita joilako oon mailmanlaatunen tekniikka
Met tervehtimmä joka vuosi monta sattaa ruottalaista ja kansanvälistä säveltäijää ja äänitaiteelioita meile Söder Mälarstrandile Stokholmissa. Meän styytioissa oon mailmanlaatusta tekniikkaa ja net oon auki ympäri vuorokauet ja vuet.
Kursia ja koulutuksia
Meän kursitten kautta met aukasemma styytiot niin uusile ko etapleeratuile taiteelioile jokka halvaavat kehittyä ja oppia lissää genrestä.
Resitensi ja styytiokäyttäjät
Meän kansanvälisen resitensiohjelman kautta met annama säveltäjille koko mailmasta maholisuuen olla töissä meän styytioissa. Met otama vasthaan kansanvälisiä hakemuksia kerran vuessa.
Histuuria ja tulevaisuus kohtaavat
Ko EMS vihithiin käythöön yli 60 vuotta aikaa styytio oli taitheelinen ja tekninen piunjääriprojekti – mailmanynikki siinä laajissa. Sen jälkhiin EMS oon ollu kansanvälinen liittymäkohta säveltäjille ja taiteelioile jokka oon töissä äänen kansa.